Occupational health in a hospital setting.

Aangesien gesondheidsdienste, veral hospitale, van die grootste werkgewers in die land is, behoort hulle werknemers dieselfde gehalte bedryfsgesondheidsorg te ontvang as die beste wat in die nywerheid aangebied word. Daar is 'n behoefte aan so ’n diens aangesien hospitaalwerknemers aan spesifieke gesondheidsrisiko’s blootgestel is. Verder sal die diens dieselfde voordele aan werkgewers bied as in die nywerheid, naamlik gesonder en meer effektiewe werkers en ’n afname in afwesigheid weens siekte en verlaagde personeelomset. ’n Bedryfsgesondheidsdiens in ’n hospitaal moet 'n onafhanklike eenheid wees waartoe alle werknemers toegang het. Streng vertroulikheid van rekords is essensieel. Die diens wat so ’n eenheid bied, behels die volgende: indiensnemingsondersoeke, immunisering, gesondheidsvoorligting en raadgewing, daaglikse behandeling van bedryfsen ander siektes en beserings, instandhouding van gesondheidsrekords van personeel, epidemiologiese studies van siektepatrone, monitor van omgewing vir geraas, ventilasie, humiditeit en veiligheid en beheer van kruisinfeksie waar nodig.